繁體中文
吳君如1965年8月2日生，原籍廣東番禺，外號「三姑」，係香港女演員、導演、監製同歌手，華人地區極具影響力嘅女諧星，亦係香港電影史上累積票房收入最高嘅女演員（累計票房約7億港元），出道至今拍攝逾百部電影。佢1999年憑《古惑仔情義篇之洪興十三妹》獲頒第18屆香港電影金像獎最佳女主角、香港電影金紫荊獎最佳女主角同香港電影評論學會大獎最佳女演員等影后獎項；2003年憑《金雞》獲得第40屆金馬獎最佳女主角。吳君如父親為粵語長片演員、曾主持亞洲電視《六合彩》攪珠節目多年嘅夏春秋（冬叔），伴侶為導演陳可辛，育有一女陳是知。佢早年在香港島中環同北角成長，就讀聖士提反女子中學附屬幼稚園、附屬小學及中學，不喜歡讀書，香港中學會考成績平平；1982年17歲中五畢業後透過父親穿針引線，加入第12期無綫電視藝員訓練班，同屆同學包括曾華倩、劉嘉玲、吳啟華、劉青雲，1983年畢業後簽約無綫，初年主要飾演閒角，後來被調入長壽節目《歡樂今宵》，適逢林建明離開而乘勢上位，其後參演《鬥氣一族》（與周星馳做對手戲）、《錯體姻緣》等劇集。1980年代後期佢轉往電影圈發展，擅演搞笑角色，主演《賭聖》系列、《霸王花》系列、《家有喜事》等；其後佢改變戲路，自資拍攝電影《四面夏娃》。2010年佢參演許鞍華嘅《得閒炒飯》，飾演雙性戀女子，獲羅馬亞洲電影節最佳女主角；同年喺《歲月神偷》飾演樸素主婦。2017年佢首次執導電影《妖鈴鈴》，並曾監製《金雞SSS》（2014）等片。佢嘅司儀工作同樣出色，曾多次擔任大型頒獎禮司儀，亦早於1993年推出過粵語唱片。