繁體中文
英籍猶太人，喺香港出生，曾就讀喺香港大學。抗戰期間，先後喺重慶嘅美國雷電華公司發行電影同喺當地嘅英國大使館工作，同不少影人結交。抗戰勝利後，加入新加坡嘅共同公司。 1951年進入新加坡國際機構，主持國際電影發行有限公司，以代理同發行香港影片為主。1954年被派到香港創立國際影片發行公司（國際電影懋業有限公司〔簡稱電懋〕嘅前身），並出任總經理。 1954年喺國際設立咗粵語片製作組，出品咗不少傑出嘅粵語片，又支持嚴俊同白光等組織咗國泰同國光等公司，出品咗多部優秀嘅國語影片。 1955年助陸運濤接收咗永華片廠， 監督興建成新永華片場， 並出任廠長，使國際同電懋嘅電影質素提高同保持穩定，對邵氏做成咗極大嘅威脅，可說係國際同電懋草創時期嘅大功臣。1957年向國際請辭，轉往邵氏工作咗三年。七十年代開始喺新加坡從事錄影帶發行同經營影音店。歐德爾喺 2003年 9月 23日逝世。