繁體中文
原名鄭妹妹，廣東潮陽鹽丁村人。五十年代初移居香港，1953年11歲時考入新天彩潮劇團， 學習花旦， 同陳楚蕙同期拜張木津為師。 早年曾為轉配成潮語嘅廈語、粵語電影配唱潮曲。1960年初登銀幕，首作為東海影業公司出品嘅《劉明珠三審玉芝蘭》， 其後同陳楚蕙一起主演咗新天彩嘅兩部潮劇電影 ： 《後母心》（1960）、《潮州女狀元》（1962）。1961年，受泰國中一枝香潮劇團之邀，同香港潮劇演員黃美玲到泰國演出。1963年，受許堅之邀請，加入嶺東潮劇團，演出了《海瑞三勘驛女冤》。此外，鄭楚香亦參演咗榮華製片公司出品嘅潮劇電影《劉玉娘》（1963）同萬聲電影製片公司出品嘅《四告狀》（1964）。其後，亦有參同過新天彩、樂聲等潮劇團嘅舞台演出。夫婿係香港著名潮劇老生演員張應炎。現居香港。