繁體中文
上海人，六歲時隨家人來港，畢業喺香港東方中學。1963年加入國際電影懋業有限公司（簡稱電懋，後改組為國泰機構〔香港〕 〔一九六五〕有限公司），隨剪接師王朝曦學藝。1971年嘉禾電影（香港）有限公司接收咗國泰嘅片場，張留任成為剪接室負責人，並開始喺嘉禾出品嘅影片掛剪接名。此後嘉禾絕大部分出品，包括李小龍、 洪金寶、 許冠文、 成龍嘅大部分電影都由佢負責剪接。1972年憑 《精武門》（1972）首獲台灣金馬獎最佳剪輯，其後再憑《猛龍過江》（1972）、 《直搗黃龍》（1975）同《密宗聖手》（1976），連續四屆蟬聯，連同《賣身契》（1978）、《省港旗兵》（1984）、《警察故事 III 超級警察》（同張嘉輝，1992）、《方世玉》（1993）、《衝鋒隊怒火街頭》（同張嘉輝，1996），共九度獲此獎項。此外，1985年憑 《省港旗兵》（1984） 首度獲得香港電影金像獎最佳剪接。後再憑電影《胭脂扣》（1988）、 《重案組》（1993）同《衝鋒隊怒火街頭》（同張嘉輝），共四度獲獎。其他獲提名最佳剪接嘅作品包括《生死决》（1983）、 《新蜀山劍俠》（1983）、 《等待黎明》（1984）、《殭屍先生》（1985）、《警察故事》（1985）、 《奇緣》（1986）、《A 計劃續集》（1987）、 《奇蹟》（1989）、 《紅番區》（1995）、《我係誰》（同邱志偉）（1998）等。九十年代末離開嘉禾，從事電影近四十年，剪接超過二百部影片。喺 2023年喺香港病逝。