繁體中文
香港出生同成長。父親馮晴喺戰後已從事電影發行，同時經營龍城、百樂門同域多利等戲院。1957年畢業後，喺銀行工作咗一段時間。六十年代初，轉行任職喺荃灣嘅龍華戲院，半年後獲晉升為司理， 亦曾管理華都、大光明、油麻地等戲院。1969年，成立萬象娛樂有限公司，並喺1971年9月接手管理百樂戲院，轉映西片，經佢悉心主理，百樂聯同海運組成戲碼甚強嘅西片線。龍華戲院一直同邵氏父子院線合作，至1977年，該院線同嘉禾院線合組嘉樂線，龍華戲院遂同恆星、福星、同樂、油麻地、國寶等九家戲院組成「雙星線」， 1978年開始營運。雙星線成立後，常同雷覺坤主理嘅麗京線聯映香港同台灣出品嘅影片；1978年 7月合映《肥龍過江》後，合作更趨穩定，繼而組成金公主娛樂有限公司，並把兩線聯合成金公主院線，亦稱麗聲線，1979年開始營運。金公主喺1980年起投資剛成立嘅新藝城拍攝電影，安排喺金公主院線放映， 此外，亦同時支持永佳、萬能等獨立公司拍片。期間佢喺北美洲拓展發行網，喺紐約、三藩市、溫哥華等地設立院線，當地逾八成港產片由其公司發行。1984年，佢支持電影工作室成立同拍攝創業作《上海之夜》，又喺1988年1月，同戲院商陳榮美合組 「新寶院線」。1992年，雷覺坤離世後，金公主停止運作，新寶院線收回金公主院線嘅戲院，喺1993年1月重整為「金聲院線」。2025年5月4日逝世。