繁體中文
出生喺南美洲英屬新畿內亞（今巴布亞新畿內亞），先後喺英國愛丁堡同馬來亞檳城升學，其後到香港大學攻讀機械工程。1926年，開始經營電影院同從事電影發行業務。1948年，佢將自己經營嘅多間電影院，一併加盟新加坡國泰機構屬下嘅國際戲院有限公司，然後擴充為陸氏戲院有限公司，並由佢負責主持。同年，履任國泰機構排片部主任同董事經理。1951年，創立克里斯製片廠；1953年，陸運濤加入合辦國泰克里斯製片廠，專門出產巫語片，拍攝咗星馬第一部彩色片《真假王子》（1953）、好賣座嘅《吸血人妖》（1957）同第一部闊銀幕影片《人妖之誓》（1958）等。佢令國泰機構不獨專注電影發行，更發展成為一家製片機構。佢從事電影放映、發行同製作工作超過30年，被譽為卓越嘅製片家同影壇怪傑，係國泰機構首腦人物之一。1959年離開國泰後， 自組 「獨立影業公司」 同印尼合作拍片， 曾編導《苦盡甘來》。喺 1982年 9月 16日病逝。