繁體中文
年幼時被賣到廈門作養女，養父母為佢起名君阿娟，又名君海棠。大陸政權易手後，隨養母吳寶惜來香港。由於養母認識廈語電影圈嘅人，凌波童年時已開始銀幕生涯。1954、55年以藝名小玲先後拍攝其首兩部廈語片《兒女情深》同《李三娘》。其後以藝名小娟參演多部廈語片，包括喺《雪梅教子》（1955）反串演出商輅，同喺《梁山伯祝英台》（1955）中飾演丫鬟人心。首部主演作品係《哪吒大鬧東海》（1956）。1957年菲律賓僑商施維熊投資創辦華廈影業公司拍廈語片，由吳寶惜監製，小娟主演咗華廈嘅大多數出品。同期亦有主演暨南影業公司、榮華製片公司嘅出品， 包括 《火燒紅蓮寺》（一至四集，1956-58）、 《新加坡小姐》（1959）等，亦演過邵氏兄弟（香港）有限公司嘅首部廈語片《王哥柳哥》（1959）。擅長唱南音，古裝片《真假姻緣》（1957）、 《呂蒙正拋繡球》（1957）等嘅南音插曲，都係由佢主唱。1957、58年興起時裝歌唱片熱潮，佢同莊雪芳合演嘅《熱女郎》（1958）、 《番婆弄》（1958） 亦很受歡迎。1962年，養母以佢嘅名義，同胡同、王清河等開設咗復興影業公司，小娟再主演了《玉鯉緣》（1962）一片。喺演出廈語片嘅八年期間，小娟演出逾八十部廈語片。廈語片衰微時，先後拍咗黃梅調電影《劉海遇仙》（1961），同《小福星》（1962）等四部粵語片。1962年，經導演袁秋楓引薦，為邵氏出品嘅黃梅調電影《紅樓夢》（1962）擔任賈寶玉角色嘅幕後代唱。1963年，正式加盟邵氏，改名凌波，喺《梁山伯同祝英台》中飾演梁山伯，一炮而紅，名氣席捲台灣同東南亞，更獲第二屆台灣金馬獎最佳演員特別獎。翌年主演《花木蘭》（1964），奪得第11 屆亞洲電影節最佳女主角獎。之後成為邵氏黃梅調電影嘅台柱，其他著名作品有 《西廂記》（1965）、《三笑》（1969）等。1975年，離開邵氏公司， 同丈夫金漢創辦今日影業公司， 出品咗 《十字路口》（1976）、《新紅樓夢》（1978）同《金枝玉葉》（1980）等電影。八十年代移民加拿大。其兒子畢國智、畢國勇分別係電影導演、音樂製作人。