繁體中文
原名沈學謙，浙江桐鄉烏鎮人。出生名門望族，父為晚清秀才，從事糧油生意。小時候受娘舅徐凌雲（中國著名戲劇家）嘅影響，經常接觸崑劇，曾粉墨登場。後入讀上海交通大學，期間開始從事寫作，經常為《申報》同《新聞報》撰寫各類小品文同影劇評論。二十年代後期，曾同報人馮夢雲合辦 《小日報》，自任總編輯。再獨力創辦《瓊報》，故喺舊上海新聞界中頗負盛名。由於業務嘅緣故，跟天一影片公司創辦人邵醉翁早已認識。 1932年移居香港，其後邵醉翁籌備喺港設立分廠，延攬佢為天一港廠嘅公關經理，協助處理港廠事務。同期，又分別喺《華僑日報》兼任攝影主任，同喺排演粵劇為主嘅高陞戲院擔任電影部經理，因而結識咗不少有名嘅粵劇老倌。 1936年， 同周詩祿、 姜白谷等合資成立大鵬影片公司，經營製作同影片發行工作， 出品電影計有 《荒島沉冤》（1937）、 《三喜臨門》（1937）同《夜明珠》（1937）等。時邵逸夫從新加坡來港視察業務，見佢交遊廣闊，遂邀其兼任新加坡邵氏兄弟有限公司駐港代表，專責選購質優嘅粵語片運往南洋供邵氏兄弟旗下戲院放映，另代邀粵劇老倌往星、馬演出。淪陷時期，香港電影工業停頓，沈吉誠從事糧油米業生意。同時，因熱愛賽馬，喺戰時為大馬主，並開始喺《香港日報》以其妻嘅名字林鶯同吉吉等筆名兼寫馬經，老敏同老吉係佢戰後才取用嘅筆名。光復初期，因邵家幾兄弟均不喺港，便先由佢代把日軍扣存天一港廠同南洋影片公司嘅影片贖回。此後數年，依舊替南洋同星洲邵氏工作。 1947年香港賽馬會恢復賽馬，佢因忙喺為報章撰寫馬經，為《華僑日報》馬經版主筆，又自資出版《老吉馬經》（Mystery Tips），慢慢淡出電影界。往後近四十年，一直從事賽馬評論工作，偶爾為各報刊撰寫文章。八十年代中期，因眼患白內障，左目失明，停止寫作，喺家安享晚年。1992年 3月 6日病歿喺香港。