繁體中文
原名趙淑如，廣東潮陽人。早年喺潮陽參加劇社，曾學習同演出潮劇，工花旦。16歲中學畢業後，到廣州唸專科學校。1962年來港。1963年，適逢新加坡榮華公司物色新人演出潮語片，佢經朋友介紹，為榮華嘅李浪觀力邀加盟拍片，以藝名柳惜春主演咗由羅志雄導演嘅潮劇片《寶蓮燈》。同年加入香港汕頭進出口商會組織嘅韓江潮劇團。 其後再為榮華拍咗 《花燈謎》（1964） 同 《湘子橋》（1965），並先後到新加坡、泰國、越南等地隨片登台。喺香港除咗跟隨蔡紹霖學習潮劇，另外亦有隨于占元、許君漢、關正良等名師學習北派武工。由六十至九十年代隨韓江潮劇團演出不輟， 主演過逾百齣潮劇， 擅長劇目有 《蘇六娘》、 《陳三五娘》、《金花牧羊》、 《楊門女將》、 《告親夫》、 《王老虎搶親》、 《洪承疇》等。此外，佢亦曾灌錄過數十張潮劇唱片。近年仍活躍喺舞台，不時到潮汕地區作交流演出。