繁體中文
原名李美英，李怡紅為其藝名，廣東汕頭沙尾李人。15歲參加工人組織嘅業餘港務局劇團，學習潮劇，工小生，曾主演劇目《陸游》。19歲來香港，加入香港汕頭進出口商會戲劇團（即香港潮劇團同韓江潮劇團嘅前身），隨團表演之餘，亦喺組內授課。演出嘅第一部電影係泰蘭影片公司出品嘅《蘇六娘》（1961），佢反串飾演男主角郭繼春。 之後同陳麗麗合作主演咗泰蘭公司嘅多部出品， 包括 《青霜劍》（1962）、《孟姜女哭倒長城》（1963）、《明珠記》（1963）、《庵堂會》（1964）等。此外，佢亦有為其他公司演出，包括嶺東影業公司嘅《感天動地竇娥冤》（1963）、榮華製片公司嘅《劉玉娘》（1963）、萬聲電影製片公司出品嘅《何文秀問卜》（1963），同潮藝製片公司嘅《雙獅圖》（1963）等。從影期間共演出逾十部潮語片，除咗喺《挽面案》（1962）演老旦，同喺《清官斬孝女》（1962）演旦角外，其他皆為小生角色。曾多次跟隨韓江、樂聲、昇藝等潮劇團演出，並多次到泰國、新加坡登台。首本劇目包括《秦香蓮》（演秦香蓮）、《白兔記》（演李三娘）、《包公會李后》（演李后）等。李美英喺2021年1月23日喺香港病逝。