繁體中文
電影製作人，嘉禾電影（香港）有限公司創辦人之一。生喺香港，廣東人。畢業喺上海復旦大學新聞系。五十年代喺《香港時報》任職採訪部主任， 1958年鄒文懷進邵氏兄弟（香港）有限公司任宣傳部主任，其後何被鄒招攬入邵氏任宣傳部副主任，長期輔助鄒喺邵氏嘅工作。1970年同鄒文懷、梁風一同離開邵氏，共組嘉禾，成為開創嘉禾嘅三位董事。何主管嘉禾嘅電影製片業務，喺佢主理下，製片業務不斷拓展。 1974年發掘吳宇森為嘉禾嘅駐廠導演。其後，陸續發掘洪金寶同成龍成為嘉禾嘅製片支柱，喺八十年代洪金寶嘅寶禾影業有限公司同成龍嘅威禾電影製作有限公司均由何冠昌掛出品人名義。喺嘉禾嘅 28年間，製作咗過百部電影。1994年，嘉禾娛樂集團喺香港聯交所上市後，何冠昌出任集團副主席。佢喺 1998年 2月 16日喺香港心臟病發逝世。