繁體中文
原名梁道堅，廣東鶴山人，生喺廣州。曾喺廣東體育專門學校同廣東國民大學就讀，1943年畢業喺重慶中央幹部學校，其後參加咗青年軍二○四師，任掃蕩簡報班中校主任；並曾喺重慶任《中央日報》編輯。抗戰勝利後，奉命赴廣州接收文化工作，任《中山日報》總經理同《上海日報》駐廣州特派員。喺上海《申報》工作時認識鄒文懷。1949年由廣州來港，繼續從事新聞嘅工作。曾任《上海日報》總編輯、《中南日報》副社長、 《香港時報》副刊主編。其後赴曼谷出任《世界日報》總編輯。1958年應鄒文懷之邀，回港加盟邵氏兄弟（香港）有限公司，主編《南國電影》，其後負責邵氏電影嘅宣傳事務。佢自己又創辦咗報道娛樂新聞為主嘅《四海週報》。1970年，同鄒文懷、何冠昌一起離開邵氏，共組嘉禾電影（香港）有限公司，任執行董事兼業務經理，主管發行同宣傳事宜，並創辦咗 《嘉禾電影》，出任該畫報嘅發行人。曾任「港九電影戲劇事業自由總會」（現稱「港澳電影戲劇總會」）主席。1987年 5月 2日喺加拿大逝世。其妻子黃愛娜為文藝小說家，曾替各大雜誌撰寫小說。