繁體中文
原名陳麗榆，廣東澄海人。自幼酷愛潮劇，初中時為玉梨潮劇團取錄，習花旦，屬科班出身。學戲不久便主演《挽面案》，其後隨戲班四出下鄉演戲。五十年代中後期舉家移居香港，加入香港汕頭進出口商會戲劇團（即香港潮劇團同韓江潮劇團嘅前身），演出潮劇《救風塵》、《告親夫》等劇目。1961年同泰蘭影業公司簽約， 成為泰蘭當家花旦， 接連主演咗 《趙盼兒》（1961）、 《挽面案》（1962）、《清官斬孝女》（1962）等多部電影，多同女小生陳淑華、生旦兼擅嘅李美英，同南雁合作。1962年轉投新加坡光藝機構旗下專拍潮語片嘅潮藝製片公司，簽下多部片約， 夥拍新天彩潮劇團台柱女小生陳楚蕙， 主演咗 《牡丹亭驚夢》（1963）、《紅梅記》（1963）、《仙姬送子》（1963）等多部電影。擅演活潑嬌憨、外柔內剛、果敢堅定嘅機靈少女角色。電影作品不多，只有十多部，但形象鮮明，獨具一格。1965年曾隨藝星潮劇團， 同轉演小生嘅著名潮語片女演員丁楚翹到泰國等地演出。其後移居加拿大。