繁體中文
，廣東花縣人，香港出生，父親為粵劇名伶白玉堂。自小因父母忙喺工作，而被送往澳門，由外婆照料。 1952年，就讀喺澳門聖心學校嘅佢，獲邵邨人發掘，力邀加盟。尤敏遂加入邵氏父子有限公司，主演入行首作《玉女懷春》（1952年攝製）， 但這片最終未嘗正式公映。 之後， 佢再替邵氏拍咗 《殘生》（1954）、《同林鳥》（1955）、 《龍鳳配》（1957）、 《紅粉干戈》（1959）等二十多部電影，並因其清麗脫俗嘅氣質，贏得影壇「玉女」美譽。1958年，尤敏約滿邵氏，轉投國際電影懋業有限公司（簡稱電懋），先憑《玉女私情》（1959）同《家有喜事》（1959）兩片接連獲第六、七屆亞洲電影節最佳女主角獎，其後以《星星．月亮．太陽》（1961）榮獲第一屆台灣金馬獎最佳女主角獎。其他佳作還有 《無語問蒼天》（1961）、 《火中蓮》（1962） 同 《小兒女》（1963）等。尤敏亦獲電懋力捧，成為跨國女星，主演《香港之夜》（1961）、 《香港之星》（1963）同《香港．東京．夏威夷》（1963）等電影令佢風靡日本。1964年，當尤敏拍罷最後一部電影《深宮怨》後，即下嫁富商高福球，自此退出影壇。1996年 12月 29日，尤敏因心臟病喺香港逝世。