繁體中文
越南出生嘅華僑，1968年舉家來港。1976年，完成電視廣播有限公司（無綫電視，TVB）訓練班課程後簽約成為藝員。1980年，喺以舊上海黑幫為題材嘅電視劇 《上海灘》中飾演丁力而成名，並喺同年嘅兩部續集《上海灘續集》同《上海灘龍虎鬥》 中繼續演丁力， 成為該台嘅男主角中堅。 其後陸續演出咗 《佛山贊先生》（1981）、《男子漢》（1982）、 《雪山飛狐》（1985）、 《太平天國》（1988）等劇集。任職電視台期間，間中演出電影。第一部演出嘅電影為徐克導演嘅《第一類型危險》（1980），片中飾演綽號「油脂飛」嘅警察呂Sir。同期同鄭則仕、李修賢合演警匪片《金手指》（1980）。這個組合後來還合作了《踩綫》（1981）同《Friend過打 Band》（1982） 等數部警匪片。 又曾喺黃志強導演嘅科幻電影 《打擂台》（1983）中當第二男主角。1989年，離開 TVB，全力向電影發展，為嘉禾主演了《四千金》（1989）、 《我愛唐人街》（1989）等片。1991年，增胖40 磅演出麥當雄出品嘅《跛豪》，其專業態度同演出備受讚揚，票房達 3,800 萬，掀起黑幫傳奇人物拍攝熱潮，呂亦成為炙手可熱嘅演員， 連續喺 《四大家族之龍兄虎弟》（1991）、 《歲月風雲之上海皇帝》（1993）、《上海皇帝之雄霸天下》（1993）、 《一九四九之劫後英雄傳》（1993）等類似影片中演黑道梟雄嘅角色。除咗擅演黑幫角色，亦曾喺歷史片 《西楚霸王之楚漢爭霸》（1994） 演主角項羽。1996年後，以演出內地電視劇為主，偶爾仍回港演出電影，包括香港片 《大無謂》（2004）、 《導火綫》（2007）、 《風暴》（2013）、 《明月幾時有》（2017）、 《黃金花》（2018）等。