繁體中文
祖籍湖北，本姓李，約兩歲時隨外婆南下香港，數年後被託交熊姓同鄉撫養，就學時取名雪妮。原喺港唸書，後隨養父母赴台灣居住。喺學期間對演戲已感興趣，1961年養母為佢報名投考中央電影事業股份有限公司（中影）演員訓練班，成功獲取錄；同期入選學員有焦姣、唐寶雲、武家麒等。受訓後簽約成為演員，初登銀幕首作為自立電影公司嘅《兩相好》（1962），另曾參演其他中影嘅電影如《颱風》（1962）。後重返香港，經親友介紹加入仙鶴港聯影業公司，成為首位基本合約演員，備受力捧，喺首作《碧血金釵》（1963）已屬要角。緊接拍攝時裝喜劇片《一后三王》（1963），登上主角之列，成矚目新星。雪妮喺仙鶴港聯演出約四年，以拍攝古裝武打片為主，每每親身上陣，武打身手俐落矯捷，加上佢賦予角色冷傲倔強嘅氣質，躍登新一代武打女星。期間演出了《雪花神劍》（一至四集，1964）、《無字天書》（1965）同《天劍絕刀》（上、 下集，1967-1968），而喺《碧眼魔女》（1967）亦正亦邪嘅演出尤為人津津樂道。古裝武打片外，又以《女黑俠木蘭花》（1966）、《女黑俠血戰黑龍黨》（1966）同《女黑俠威震地獄門》（1967）成功塑造時裝女俠形象。期間亦參演喜劇片如《老夫子》（1965），以至文藝小品《藍色酒店》（1968）等。六十年代中毅然外闖，拍片量更豐，續走武打女星路線，演出了《血染鐵魔掌》（1967）、《武林三鳳》（上、下集，1968）、《小五義大破銅網陣》（1968）同以彩色闊銀幕攝製嘅 《天狼寨》（1968），同時參演咗時裝喜劇片《受薪大丈夫》（1968）同《神偷姊妹花》（1969）。雪妮因拍片而同武術指導唐佳結緣，兩人喺 1969年 1月成婚。為照顧家庭，並隨著粵語片製作式微，喺六十年代末告別影圈，息影前公映嘅作品包括《獨臂神尼》（1969）同《神探一號》（1970）。八十年代末，雪妮移居加拿大，蟄伏多年， 後應徐克邀請客串演出《刀》（1995）。1997年回流香港後復出幕前，主力拍攝電視連續劇，包括膾炙人口嘅《天地豪情》（1998）、《巾幗梟雄》（2009），亦演出少量電影如《小白龍情海翻波》（2004）。2020年宣告退休。2025年7月3日喺香港病逝。