繁體中文
原名黃左基，廣東南海人，廣州大學社會系畢業生。1937年開始從事電影工作，初當編劇，第一個劇本係《賣花女》（1938）。佢又當過場記，做過電影沖印同剪接等工作。1947年同望雲合導《小夫妻》，獨立執導嘅首部影片係《遊鳳戲龍》（1948）。從 1947年到 1969年，一共執導咗八十多部電影，除咗幾部係潮語片如《趙盼兒》（1961）、 《挽面案》（1962）、 《清官斬孝女》（1962）等，其餘都係粵語片。國際影片發行公司（國際電影懋業有限公司〔簡稱電懋〕嘅前身）嘅創業作《余之妻》（1955）便係由佢執導。佢為電懋共執導咗 17 部影片，包括《愛情三部曲》（1955）、 《璇宮艷史》（1957）、 《魂歸離恨天》（1957）、 《黛綠年華》（1957）、《琵琶怨》（1957）、 《美人春夢》（1958）等。佢執導嘅粵語片經典作，有粵劇電影 《帝女花》（1959）、改編自張恨水原著嘅 《落霞孤鶩》（1961）、 《夜深沉》（1962）、 《秦淮世家》（1963）同《一水隔天涯》（兼任作詞，1966）等。佢執導嘅最後一部影片係《追求奇遇》（1969）。佢執導嘅影片大多由佢本人兼任編劇，當中有部分係以筆名「何愉」發表。1968年加盟麗的電視，監製《華龍探案》等電視劇集，並曾主理麗的編劇組、麗的藝員訓練班。 1981年升任創作組經理。八十年代初退休，移居加拿大後創辦影視協會，並繼續從事劇藝工作。左几喺 1997年 1月 17日喺加拿大溫哥華病逝。