繁體中文
原名蔡慧芳，福建廈門人。父親經營皮鞋生意，大陸政權易手後，隨母親同哥哥來到香港，1950年代初加入一中影業公司成為基本演員。處女作係《唐伯虎點秋香》（1952），其後演出嘅廈語片包括《烏白蛇》（上、續集，1954）、《荔鏡緣》（一至三集，1953-54）、 《雪梅教子》（1955）、 《蓮花庵》（1955）、 《劫後鴛鴦》（1955）、 《包公審月英》（1955）等，共三十多部，以演悲劇見稱。其中1956年為良友影業公司所演嘅《詹典嫂告御狀》同《連理生韓琦》兩片，喺台灣同菲律賓甚為賣座，1957年曾隨良友公司創辦人張國良赴台拍攝廈語片《唐三藏救母》。小雯能說流利國、粵語，曾參演國語片《化身姑娘》（1956）。小雯有過兩段婚姻，第一任丈夫係廈語片影星胡同。其弟蔡金國，藝名金谷，係廈語片童星。