繁體中文
廣東開平人，喺新加坡出生同成長。自幼喜愛粵劇，13 歲開始學習粵劇，由於天資聰敏，又肯勤學苦練，16 歲便喺南洋一帶成名，18 歲受聘往美國演出。1942年喺鳳凰劇團主演 《蛋家妹賣馬蹄》、 《陳世美不認妻》（同白駒榮合作） 等。1943年開始同羅品超合作以「光華劇團」班牌演出粵劇，其他合演伶人為靚次伯、李海泉、蝴蝶女同崔子超，首演劇目為 《冷面皇夫》。1943年喺 《夜送京娘》 一劇首次以「紮腳踩蹻」功架作賣點。抗戰勝利後，擔任大鳳凰劇團同麗春花等劇團嘅台柱，又組織麗士劇團。佢擅演粵劇傳統戲同傳統功架，好出色。由於藝術超群，被譽為「藝術旦后」。首本戲有 《三月杜鵑魂》、 《紮腳劉金定》、 《蟹美人》、 《七彩蝴蝶精》 等。 《燕子樓》係佢以唱工著稱嘅名作之一。1947年開始拍電影，主演嘅第一部影片係《三月杜鵑魂》。1959年同佢嘅夫婿、著名粵劇編劇家李少芸合組麗士影業公司， 以攝製粵劇戲曲片為主。1959 到 67年間， 出品咗超過九十部影片， 其中著名嘅粵劇戲曲片有 《紮腳十三妹大鬧能仁寺》（1960）、 《金鳳斬蛟龍》（1961）、 《金鐧怒碎銀安殿》（1962）等。並出品有名嘅時裝片如《冷秋薇》（上、下集，1963）、 《四兒女》（上、下集，1964）、 《半張碌架床》（1964） 等。 麗士出品嘅影片中， 保存咗很多粵劇嘅古老排場、 功架同絕技，著名嘅尚有 《帝苑春心化杜鵑》（1951）、 《十奏嚴嵩》（1952）、 《光緒皇夜祭珍妃》（1952）、「無頭東宮」系列電影（1957）、 《掃把精》（1959）等。佢先後主演同參演過約一百四十多部影片。1967年上映嘅《教子殺父皇》係佢主演嘅最後一部影片。同香港著名嘅粵劇花旦兼影星鄧碧雲、 羅艷卿、 鳳凰女、 吳君麗等七人結義為 「八牡丹」。佢係「八牡丹」中嘅大家姐「紫牡丹」。1968年退出藝壇，之後移居加拿大，喺 2004年喺多倫多病逝。